Бу сене августнынъ 23-25 куньлери Къырымнынъ Коктебель къасабасында кечеджек Koktebel Jazz Party халкъара джаз фестивалининъ тешкилий комитети кутьлевий малюмат васталары ичюн аккредитация ачты. Истек бильдирмек ичюн фестивальнинъ koktebel-jazz.ru сайтына кирмек керек. Аккредитация фестивальни айдынлатмагъа, матбуат-меркез иле къулланмагъа, матбуат-тедбирлерде ве концертлер девамында партерде булунмагъа, эм де тедбирлер кечирильген куньлерде Акъмесджит — Коктебель — Акъмесджит маршруты боюнджа трансфернен къулланмагъа акъ бере. Фестиваль куньлери кутьлевий малюмат васталары эм де аджеле багъны къуллана билелер.
Фестивальнинъ музыкаль ортагъы Jazz радиосыдыр.
Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль) зиярет эттилер. KJP-2017 тедбирининъ мусафири РФ президенти Владимир Путин олды.
Koktebel Jazz Party — бу тек дюньявий севиеде джаз дегиль, бу акъикъий азатлыкъ, о, музыка, денъиз, вуджуд ве гонъюльнинъ екяне вибрациясыны догъура. Фестивальнинъ тешкилятчысы «Красный квадрат» адлы медиагруппа ола. 2014 сенеден берли Koktebel Jazz Party Русие Федерациясы медениет везирлигининъ дестеги иле кечириле.